Театр – юратăвăм ман!

            Пуш уйăхĕн 27-мĕшĕнче пĕтĕм тĕнче Театр кунне уявлать. Çак куна халалласа К.В.Иванов ячĕллĕ Чăваш патшалăх академи драма театрĕнче чаплă уяв пулса иртрĕ. Кунта республикăра иртнĕ  «Чĕнтĕрлĕ чаршав» конкурса пĕтĕмлетсе уяв концертне ирттерчĕç, конкурсра çĕнтернĕ республикăри театрсен ушкăнĕсене, актерсемпе театр ĕçченĕсене чысларĕç. Çак чаплă  уявра республика шайĕнче иртнĕ  «Театр – юратăвăм ман!»   конкурс çĕнтерÿçисене те чаплăн чыс турĕç.

            Ку конкрсра 7-8, 9-11 классенче вĕренекен  ачасем виçĕ номинаципе вырăс тата чăваш чĕлхипе сочиненисем  çырчĕç. Районсенче çĕнтерсе республика шайĕнче 150 ача хăйсен ĕçĕсене тăратма пултарчĕç. Пирĕн шкултан 10-мĕш класра вĕренекен Малова Мария конкурса хутшăнса район шайĕнче çеç мар, республика шайĕнче те çĕнтерÿçĕ пулса тăчĕ. Мария  хамăр ентешĕмĕр , СССР халăх артисчĕ Валерий Николаевич Яковлев,  çинчен интервью-сочинени çырса   пысăк чыса тивĕçрĕ. Малашне те  Машăна шкулта тăрăшса вĕренме,  пысăк çитĕнÿсем тума ырлăх-сывлăх сунатпăр.