Уяв ячĕпе, туссем!

          Салам!  Чăваш чунлă çынсене пурне те Чăваш чĕлхи кунĕ ячĕпе хĕрÿллĕн саламлатпăр!

         Çак пысăк уява  тата Чăваш автономийĕн облаçне туса хунăранпа 100 çул çитнине  халалласа кăçăлхи çул пирĕн шкулта   та чăваш чĕлхипе литература эрни иртрĕ.

    Пĕр эрне хушшинче шкул ачисем тĕрлĕ конкурссене, викторинăсене хутшăнса хăйсен пултарулăхне кăтартрĕç. Вĕсем хăйсен ĕçĕсене конкурссемпе ĕçлекен ятарлă ушкăна  ярса тăчĕç. Акă пуçламăш классен хушшинче  «Яковлев мăнукĕсем» сăвăсен конкурсĕ иртрĕ. Ачасем  чăваш поэчĕсен сăввисене пăхмасăр  вĕренчĕç, видио ÿкерттерсе ярса пачĕç. Çак конкурсра 1 класра вĕренекен В.Федотова  çĕнтерÿçĕ, Р.Удин(1 кл.), К.Кондратьева (3кл.)В.Чернова (4 кл.), Р.Миннебаев , А.Иванова (2 кл.) призерсем пулса тăчĕç.  

      5-6 классем хушшинче вара «Тăван çĕр-шыв – юратнă çĕр-шыв» темăпа ÿкечĕксен конкурсĕ ирттертĕмĕр. Çак  конкурсра 5 класра вĕренекен

 М. Ильичева çĕнтерÿçĕ, Э.Иванова, Д.Андреев, Е.Кузьмина (5 кл,) тата А.Кузнецовăпа Д. Иванова, Д.Лукьянова( 6кл.) призерсем пулма пултарчĕç. Çăвăн пекех 1-9 класс ачисем   «Эп чăваш ачи!» фотоконкурсра та питĕ хастар пулни курăнчĕ, вĕсен чăваш тумĕсем тăхăнса ÿкерттернĕ сăн ÿкерчĕкĕсене чылай тишкертĕмĕр. Çак конкурс çĕнтерÿçисем çаксем: пуçламăш классен хушшинче А.Павлов( 1), А. Удина,О.Малова, А.Иванова; вăтам классен хушшинче А. Кудряшова(8), А.Муллин(5), М.Малова(8). Çĕнтерÿçĕсене саламлатпăр, малашне те пысăк çитĕнÿсем сунатпăр! Чăваш чĕлхи эрнине хастар хутшăннă пур шкул ачине те тав тăватпăр. Малашне те хамăрăн тăван чĕлхемĕре, халăхăмăра , Тăван çĕр-шыва чунтан юратасчĕ, чăваш чĕлхине, чăваш халăх культурине сÿнсе ларма парас марччĕ.  Çапла пултăр, чăвашсем!