Ака уйăхĕн 22-мĕшĕнче шулта «И.Я. Яковлев калавĕсем ачасен куçĕпе» ятлă  ÿкерчĕксен куравĕ уçăлчĕ.

Чăваш чĕлхи эрнинче çак выставкăна  ирттересси пирĕн йăлана кĕнĕ мероприяти  темелле.  Кăçал кунта хăйĕн ĕçĕсене 4-мĕш класра вĕренекенсем тăратнă.  

Выставка уçăлсанах пĕчĕк  художниксен ÿкерчĕкĕсемпе тулнă фойе пурне те   хăй ытамне илчĕ.    Кунта «Автан», «Уçăлма тухнă шăши çури», «Шăши», «Тилĕ тус», «Чăлха çыхни», «Вилнĕ чĕпĕ чĕрĕлни», «Хĕсĕр ĕне» т.ыт. калавсеме юмахсенчи сăнарсем чĕрĕлсе тăнă. Ĕçсенче, паллах, ача-пăчана килĕшекен чĕр чунсем ытларах.    

Куракансем кăçалхи ÿкерчĕксем паха та хăйне евĕрлĕ пулнине асăнчĕç, курава хатĕрленсе  ачасем И.Я.Яковлевăн чылай калавне вуланине, унăн юмахĕсене лайăх пĕлнине палăратрĕç.