Чăваш чĕлхипе литература эрнин иккĕмĕш кунĕ шкулти пултаруллă ачасене   сăвă вулакансен ăмăртăвне пуçтарчĕ. 1-3-мĕш классенче  вĕренекенсем конкурса хатĕрленсе чăвашсен паллă сăвăçисен   тата ентеш - поэтсен  сăввисене илемлĕ калама вĕреннĕ.  Раиса Сарпи, Лидия Сарине, Светлана Асамат, Людмила Семёнова, Зоя Головинская, Роза Минеева шăрçаланă йĕркесене ăмăртуçăсем чун –чĕре витĕр кăларса, ăшă кăмăл –туйăмпа янраттарчĕç.

Чи пултаруллисене уйăрма çăмăл пулмарĕ. Çапах та хисеплĕ жюри илемлĕ сăмах ăстисене палăртрĕ. Эпир мала тухнă ачасене чĕререн саламлатпăр. Çĕнтерÿçĕ ята тивĕçнисене пурне те шкул линейкинчне дипломсем парса чыслăпăр.