Ака уйăхĕн 28-мĕшĕнче 9-мĕш б класра вĕренекенсем куçăмсăр экскурсие хутшăнчĕç, «И.Я. Яковлев вĕренекенĕсем» темăна тишкерчĕç. Экскурсире вĕсем И.Я.Яковлев вĕренекенĕсем хушшинче шăмăршăсем те нумайăн пулнине тупса палăртрĕç. В.Кашкаров (Виçпÿрт Шăмăршă), Е. Улюкин (Пăчăрлă Пашъел), И. Исаев (Чукал) Чĕмпĕрти чăваш шкулĕн пĕрремĕш вĕренекенĕсем шутĕнче пулнине пĕлчĕç. Граждан вăрçи геройĕ И.С. Космовский, чăваш писателĕ С.М.Авксентьев (Лашман) Чĕмпĕрте пĕлÿ илсе паллă çынсем пулса тăнине уçса пачĕç.

5-мĕш класс ачисем хушшинче "Ăста тăлмач" ятпа ирттернĕ куçаруçăсен конкурсĕнче 5-мĕш б класра вĕренекен Семёнова Катя чи пысăк балл пуçтарса 1-мĕш вырăн йышăнчĕ. Абсалямов Максимпа Кузьмина Юля призёр ятне илме тивĕç пулчĕç.