Нарăс уйăхĕн 27-мĕшĕнче СССР халăх артисчĕ Вера Кузьмина ячĕпе районта илемлĕ сăмах конкурсĕ иртрĕ. Ăна  Шăмăршă районĕнчи  «Централизациленĕ клуб системи» автономи учрежденийĕ йĕркеленĕ. Конкурсăн тĕп тĕллевĕ пултаруллă ачасене, çамрăксене тата çитĕннĕ  çынсене тупса палăртасси пулчĕ.

Пирĕн шкул ачисем те çак конкурса тĕплĕн хатĕрленнĕ. Чăваш тата вырăс писателĕсен сăввисене пурте тенĕ пекех чуна пырса тивмелле вуларĕç. Ефимов Николай , Павлова Анастасия, Семенова Екатерина "Поэзи" номинацире чи пултаруллисем пулчĕç.  Çĕнтерÿçĕсем Шупашкарти Наци библиотекинче иртекен концерта хутшăнĕç.